• 1
  • 2
  • 3
  • 4

Niejs

Booremoosbal 20 jannewari

Dreej jônge groepe organisere dit jaor de Boorebroelöf. ’t Sjwaert, kiët DSB en ’t Rooth hebbe de heng inein geslage.

Naodet zeej in december al op ’n hiel originele manneer eur bekèndmaking hebbe georganiseerd. Waar ’t  nouw tiëd vur de verloving.

Iërs môsde d’r nag ’n kiendje geprissenteerd dôr ’t jubileumgezèlschap van 5x11 jaor d’n Hab. De Aoj Garde (bestônde oët (aod-)leeje van de dansgarde en aod-leeje van d’n Hab) kwaam nao veure ônger aanveuring van eure sirremoniemèster Pim Hillen. Dae deej kort verslaag van eur fiësjaor en daonao woor ôs getuünd wie Moep avances heij gemâk beej Lizet op de nach nao de Boorebroelöf van 2017. Mâr koppiën, ’n prei-äömke en ongestèldheid gôjde stiëds roet in ’t aete. Wie hae zien heil toen beej ’t Maf is gaon zeuke, belandde hae nao ènkele dropshots mèt de broedsmaedjes achter de bar. Gelökkig bleek nao get deepgônder ôngerzeuk det de kleine, groëte baby gewoën van Lizet aafkômstig waar. Dae goof namelik gaar niks öm dropshot. De zaal wal, zoe bleek beej ‘nne rônkgang mèt ’n schoën en vôchtig alternatief van beschuüt mèt muuskes.

Toen waar ’t nieje gezèlschap aan de beurt. Sirremoniemèster Pim (zoe blief ’t mekkelik öm de naam te ônthaoje) reep zien gezèlschap öm de beurt nao bove. Broëdegôm Frank (Vibe) Bruijnen en Anouk môsde natuurlik de ganse tiëd bliëve zitte. Anger leeje kwame öm beurte nao bove en sproke eur verwachtinge oët, woënao me via ’n filmke leet zeen op ôngerzeuk oët te zien gewees. Daobeej huurde stiëds ’n vraog. Via Kahoot kôs de zaal op ’n interactieve wiëze meidoon aan deze quiz. Dees jônge club deej eur laeftiëd iër aan mèt ’n wal hiel originele en moderne manneer van prissentere. De zaal woor zoe good betrôkke beej wat oppe bühne plaats vông. Oëteindelik wore Anouk en Vibe goodgekeurd, mâr d’r volgde nag 2 zwaor bepreuvinge: dae van pestoër Gieske en van de ambtenaer van de börgerlikke boorestand, Bassie. Ze heije ’t ein en anger op te biechte (Vibe ’n stök of 50 vrouwluuj beej naam), mâr pestoër waar vergaevingsgezind. En ok Bassie goof zien goodkeuring. Dae heel ’t , zoewie hae zagch, kort, in tegestèlling toet Pim en Vibe…

Nao alle officiële ôngerteikeninge kôs ’t fiës den toch ech beginne. ‘nne DJ dae neet van heej kwaam, môsde ef op geng kômme, mâr oëteindelik kwaam de sfeer d’r wal in en woor ’t wèr ’n schoën boorefiës. De verwachtinge veur de Boorebroelöf zien nouw hoëggespanne…

Volg ôs online:

Ôzze agenda

21-09-2018Veurverkaup dameszitting
13-10-2018Dameszitting
21-10-2018Rally Maasbree
11-11-2018Seizoenseupening
17-11-2018Liedjesaovend
20-11-2018Jaorvergadering
Complete agenda...