• 1
  • 2
  • 3
  • 4

Niejs

27-01-2018 Aojereziting

Daags nao de zittinge waar ’t de beurt aan de get aojere minse. De zaal waar gezellig gevuld en de koffie, thië en de flaai stông klaor.

Op deze middig kwame ônger angere ok Dansgroep d’n Hab, DéDé Dance Ballet, Bennie oët Bree en de APK oppe bühne. Ok ‘Veur de Joeks’ en de jubileumdans verschene vur de twèdde kiër in 2 daag mèt suukses, det kôsse wal huure aan ’t groëte applaus nao aaflaup.

Niej in ’t program ware deze middig Jordi en Martijn (mèt eure slager ‘Ik weit ’t nimmer’, nummer 5 oppe liedjesaovend), Jan en (jeugprinses) Marieke (mèt eure slager ‘Same heej’) en buutteredner Theo Nellen oët Venray (mèt ziene buut Sraar Clochard). Dit alles woor door de zaal enthousias ôntvange.

Bizônger waar ok de beejdrage van 2 jônge zanggruupkes en 2 buutteduo’s van de basisschoële. Dees muzikale en humoristische talente leete zeen det de Naoschoëlse Aktiviteite van d’n Hab en de Jeugkemissie neet vur niks zien. Mèt dank aan groëte veurbaelde wie Wim en Wiet van Gies, Twan van Nellegraad en Wielke Zeelen hebbe dees jônge en maedjes flink geoefend. Aan de lachsalvo’s en de vrolikke snuutjes in de zaal te zeen, waar ‘t ’n biëstig groët suukses! Chapeau vur dit jônge talent van de schoële van Bree!!

’t Smartlappekoër sloot de middig aaf mèt get lekkere aoje meizingers en oëteindelik nag ‘nne biëstig schoëne vestelaovesslinger (neet zônne dae se op kèns hange). De echte aafsloëting waar natuurlik vur de manne van de Eierjônge, die nag ef lekker muziek gemâk hebbe, zoewie dees hofkepel det de ganse middig al gedaon heij.

Volg ôs online:

Ôzze agenda

20-11-2018Jaorvergadering
19-01-2019Prinsebal
26-01-2019Jeugdprinsebal
02-02-2019Booremoosbal
03-02-2019Veurverkoup zittingen
15-02-2019Zittinge
16-02-2019Aojeremiddig
16-02-2019Staoninge
22-02-2019Oëtkômme Hollehoeb
23-02-2019Britse Boëtezitting
23-02-2019Zeekebezeuk
24-02-2019Receptie Jeugdprins(es)
01-03-2019Schoelcarnaval
01-03-2019Kingermiddig
01-03-2019Sleuteleuverdrach Piël en Maas
Complete agenda...