• 1
  • 2
  • 3
  • 4

Niejs

26-01-2018 Zittinge

Op vriëdig 26 jannewari eupende weej ’n weekend det bol zoej staon van muziek, dans, humor en vural joeks!

Det woor gedaon mèt ’n gebroëkelikke zitting. Veur zôn 250 manne en vrouwe in de zaal kwaam d’r ’n gevarieerd program oppe planke. Nao ’n eupeningswoord van vors Tim Grubben zoog de zaal ônger angere verschillende danse van Dansgroep d’n Hab en DéDé Danceballet. Dett’r danstalent zât is in Bree, is wal wèr dudelik gewore. Spesijale vermelding is wal op zien plaats veur de jubileumdans. Maedjes en vrouwluuj van verschillende generasies brachte danse oët vervloge en minder vervloge tieje. En det allemaol aan ein stök door, wal ’n keteer lang. De zaal waar in extase van zô’n schoëne prestasie!

Boëte dit plaatselik talent, waar d’r nag miër Brits Vestelaovesgeweld. Hofkepel De Koëlemoëters brachte mèt eur walbekinde enthousiasme ’n Duitse fiës-set van 11 minute, die de zaal good kôs waardere. Bennie van (of waar ’t nouw ‘oët’) Bree zât de zaal allein oppe kop mèt zien nummer 2 van de liedjesaovend “’t is wèr Vastelaovend” en de APK brach eur nummer “Prins Klaos d’n iërste” op ’n manneer die nemus miër leet twiëfele euver eure publiekspriës van de liedjesaovend. Ok ‘Veur de Joeks’ zât mèt ’n flôt en divers repertoire de zaal wèr oppe kop. ’n Zugabe waar ’t gevollèg! Prins Jaco brach same mèt adjudant Dennis en Erik (Vadl) nag get nummers oppe planke. Det sloog ok good aan en zellefs de Balderse prins kreeg vuül minse in de zaal mei mèt zien eige nummer.

’n Zitting zoej gèn zitting zien zônger ’n buutteredner. Har Daniëls (Janneh de Klusjesmanneh), Hans Verbaarschot  (as Gieleke) en Frans Bevers (as Ciske van de NS) zorgde veur 3 schoëne en totaal verschillende buuts. Zoe ware ok de lachspiere al good getraind, wie op ’t ing van d’n aovend Kölsch Platt de aovend aaf ging sloëte. Mèt eur herkènbare Kölsche repertoire zong de zaal lekker mei en woor de aovend passend aafgeslote.

Volg ôs online:

Ôzze agenda

21-09-2018Veurverkaup dameszitting
13-10-2018Dameszitting
21-10-2018Rally Maasbree
11-11-2018Seizoenseupening
17-11-2018Liedjesaovend
20-11-2018Jaorvergadering
Complete agenda...