Vastelaovend 2022; Gènne Prins en aangepaste Vastelaovend in Bree

Nao ’n jaor waorin d’n Hoephab zich neet haet laote zeën (geruchte gaon dèt dae zich op ‘n exotisch coronavreej oord schuülhaojt) hebbe weej aafgelaupe zomer met gaoije haop en energie de veurbereidinge opgestart veur ’n niej vastelaovesseizoen.

Tevergaefs…de realiteit haet ôs inmiddels ingehaald.
Gezeen de huidige situatie, en de ongunstige verwachtinge vûr de komende periode hebbe weej den ôk met pien in ôs vastelaoveshert vûr ’t twèdde achtereinvolligende jaor môtte besloëte det we op 15 Jannewari a.s. gènne nieje hiërser van ôs Habberiëk zulle oëtroöpe. Wat we doön met verdere georganiseerde activiteite in aanlaup nao die daag en mèt die daag zellef zulle we laote aafhange van ’t volligende waegmoment in Jannewari.

’t Meuge duüdelik zien det de huidige situatie ôs gen angere keus luët en we neme heejin ôs verantwoordelikheid. Gezônkheid van idderein stèt nag stiëds vûrop!
Hoewel de vûroëtzichte ôngunstig zien, wilt dit op dit moment nag neet zegge dett’r gaar gènne Vastelaovend plaats zal vinge. We zulle de ontwikkelinge uiteraard bliëve vollige, en – môch dao ruumte vûr ontstaon – bekiëke wat we binne de kaders verantwoord kinne organisere. Heejvan zulle we uch via de bekènde kanale op de huëgte haoije.
Weej wille al ôs leeje, sponsore, en alle vastelaovesvierders van Bree òndanks alle sombere berichtgaevinge aevegoöd schoën fiësdaag winse. Haoj haop, d’r kump ‘nne tiëd det we wèr aojerwèts Vastelaovend kinne viere!
Mochte d’r naor aanleiding van dit bericht vraoge zien, laot ’t ôs weite.

Bliëf gezônk…
Besteur C.V. D’n Hab